កំណាព្យ ភូមិខ្ញុំ
រៀបរៀងដោយ អ្នកស្រី កែវ ច័ន្ទបូរណ៍, Minnesota, USA
កើយដៃនឹក រលឹកភូមិខ្មែរ | ដីចំការស្រែជីវភាពសប្បាយ | |
ដងស្ទឹងបឹងបួរ អូរប្រឡាយ | ដើមឈើត្រសាយមានផ្លែមានផ្កា។ | |
នៅក្នុងភូមិមាន ចេកក្រូចស្វាយ | កន្ទួតព្រីងបាយ ល្មុតដូងសេដា | |
ខ្នុរទៀបម្កាក់ ម៉ាក់ប្រេងស្លា | ហុចផលផ្លែផ្កា គ្រប់ៗរដូវ ។ | |
មាន់ញីខ្តតឡើង ទំលាក់ពង | ហ្វូងជ្រូកអឺងកង ទន្ទឹងចាំផ្លូវ | |
កន្ទក់បុកលាយដើមចេកឆៅ | ជ្រូកពួយអស់ទៅឆាប់ធាត់ធំ ។ | |
ទាយំកាបក្រាប ក្បែរក្រោលគោ | ក្របីសេះហ៊ោ ឆ្កែព្រុះឆ្មាយំ | |
ក្អែកបូលខ្វកៗ មាន់រងាវជុំ | សៀងចង្រិតយំកំដរភូមិស្ងាត់ ។ | |
ម៉ែៗដាំបាយ ពុកទៅចំការ | យាយពិសារស្លាតាៗទៅវត្ត | |
ក្មេងៗទៅរៀន អ៊ំវិញទាញព្រ័ត | មីងពូវិញរត់ធ្វើស្រែចំការ ។ | |
ជីវិតភូមិ សុខសន្តិភាព | ទោះក្រខ្សត់ទាប គ្មានទ្រព្យនឹងគេ | |
ជីវភាពសុខសាន្តអ្វីម្លេះទេ | ភូមិស្រុកដីម៉ែ ខ្មែរអើយថែផង ៕ |
អន្លង់អន្លោចមែន។ អាមួយនេះខ្ញុំក៏មានមួយដែរ គឺ អាល័យអាឡោះ
សូមចូលទៅកាន់ប្លក់របស់ខ្ញុំ
http://khmerson.wordpress.com
[…] ពីនេះពីនោះ […]